Pages

Friday, December 10, 2010

Remarkable Prediction

                              කොහොමද කට්ටියට ? තවත් කාර්යය බහුල සතියක් ඉවරවුනා. කලින් නම් මම සතියකට ප්‍රයෝග 2ක් විතර දැම්මා. ඒත් දැන්නම් පෝස්ට් ලියන්නත් වෙලාවක් නෑ. එහෙමයි කියල ඉතිං පෝස්ට් නොදමා ඉන්නත් බෑනේ. ඒ නිසා සතියකට එක පෝස්ට් එකක්වත් දානවා කොහොම හරි. ඉතිං මම හිතනවා ඔයාල කලින් ප්‍රයෝගය හොදින් කරන්න ඇති කියල. ඔන්න අද මම ඔයාලට කියල දෙන්න යන්නෙ කොහොමද Prediction එකක් කරන්නෙ කියල. ඒ කිවුවෙ කොහොමද අනාවැකියක් කියන්නෙ කියල කියා දෙන්නයි යන්නෙ. වැඩේ හරියට අල්ල ගත්තොත් නම් ඉතිං කාලගුණවිද්‍යා දෙපාර්තුමේන්තුවෙ රැකියාවකට එහෙම සහතික නැතිව වුනත් යන්න පුලුවන් වැඩ පෙන්නල. :D. අපි බලමු එහෙමනම් කොහොමද හරියටම අනාවැකියක් කියන්නෙ කියල. මේ ප්‍රයෝගය හදුන්වන්නෙ Remarkable Prediction කියලයි.

මේකෙ වෙන්නෙ මෙහෙම දෙයක්.

ඔයා අහඹු ලෙස කාඩ් කීපයක් පැක් එකෙන් අරගන්නවා. ඊට පස්සෙ නරඹන්නාටත් කියනවා කාඩ් කීපයක් ඔයා අහඹු ලෙස ගත්ත කාඩ් ගොඩෙන් ගන්න කියල. ඊට පස්සෙ ඔයා අතේ ඉතිරි වෙලා තියෙන කාඩ් ටික මේසය මත අතුරලා ඒ කාඩ් වලින්, නරඹන්නා ගත්ත කාඩ් ප්‍රමාණයට සමාන කාඩ් ප්‍රමාණයක් ඉවත් කරනවා. ආ... කියන්න අමතක වුනා. මීට කලින් ඔයා කොල කෑල්ලක ලියන්න ඕන ඔයාගෙ අනාවැකිය. ඉතිං නරඹන්නා ගත්ත කාඩ් ප්‍රමාණයට සමාන කාඩ් ප්‍රමාණයක් ඉවත් කරාට පස්සෙ ඉතිරි වෙන කාඩ් ගොඩේ මුලින්ම තියෙන කාඩ් එක හරවලා බලන්න කියල නරඹන්නාට කියනවා. ඊට පස්සෙ ඔයා ලියපු අනාවැකියත් බලන්න කියනවා. වැඩේ කියන්නෙ මේ දෙකම කිරි ගහට ඇන්න වගේ හරිනේ... (කිරි ගහට ඇන්න වගේ හරි යන්නෙ සම්මත තත්ත්වයන් යටතේදී පමණී).

මෙන්න වැඩේ යන හැටි.

ම්ම්ම්... දැන් ඉතිං චිරාගත සාම්ප්‍රධායන්ට මුල් තැන දෙමින් නරඹන්නාට දෙන්න පැක් එක හොදින් shuffle කරල දෙන්න කියල. නරඹන්නා පැක් එක shuffle කරල ඉවර වෙනකන් ඔයා ප්ලේන්ටියක් එහෙම බීල එන්න. නරඹන්නා පැක් එක shuffle කරල ඉවර වුනාම ඔයාත් පැක් එක shuffle කරන්න. shuffle කරල ඉවර වෙලා නරඹන්නාට පැක් එක fan out කරල පෙන්වන්න ඔයා shuffle කරල පැක් එක කිසියම් පිළිවෙලකට හදාගත්තෙ නෑ කියල. ඔන්න ඉතිං දැන් තමා වැඩේට හරියටම එන්ටර් වෙන්න හදන්නෙ. ඒ කියන්නෙ කිරි ගහට ඇන්න වගේ වැඩේ හරියන්න නම් ඉතිං මෙතනදි තමා පිහිය තුඩේ මුවහත හොදින් තියා ගන්න ඕනෙ. ඒ කිවුවෙ ඔයා පැක් එක fan out කරල නරඹන්නාට පෙන‍්වන අතරතුරේදි හොදින් බලාගන්න පැක් එකේ 10 වෙනියට තියෙන කාඩ් එක මොකක්ද කියල. මේ වැඩේ හරියට කරගත්තෙ නැතොත් නම් ඉතිං කිරි ගහට ඇන්න වගේ අන්තිමේදි ඔයා නෝන්ඩි වෙනවා. අපි හිතමු 10 වෙනියට තියෙන්නෙ 3 of clubs කාඩ් එක කියල.

හරි. දැන් ඔයා පැක් එකෙන් කාඩ් කිහිපයක් අහඹු ලෙස ගන්න ඕන. අහඹු ලෙස කිවුවට ඉතිං අහඹු ලෙසමත් නෙමේ. පැක් එකේ මුලින්ම තියෙන කාඩ් 21 තමා ඔයා ගන්න ඕනෙ. නරඹන්නාට කියන්න ඔයා දැන් පැක් එකෙන් අහඹු ලෙස කාඩ් කීපයක් ගන්නවා කියල. මෙහෙම කියල ඉක්මනින් පැක් එකේ උඩම තියෙන කාඩ් 21 ගනන් කරල ගන්න. දැන් ඒ කාඩ් 21 අතේ තියාගෙන ඉතිරි කාඩ් ටික පැත්තකට දාන්න. ඒ ටික වැඩක් නෑ අපිට.

දැන් ඔයා ගත්ත කාඩ් 21 නරඹන්නා අතට දෙන්න. දීලා නරඹන්නාට කියන්න 1ත් 10ත් අතර කැමති ඉලක්කමක් හිතා ගන්න කියල. නරඹන්නා ඉලක්කමක් හිතා ගත්තට පස්සෙ ඔයා අනෙක් පැත්තට හැරෙන්න. ඒ කිවුවෙ නරඹන්නාට පිටුපාල ඉන්න. එතකොට ඔයාට නරඹන්නා කරන දේවල් පේන්නෙ නෑනේ. දැන් මේ විදිහට අනෙක් පැත්තට හැරිල ඉන්න ගමන් නරඹන්නාට කියන්න, එයා හිතා ගත්ත සංඛ්‍යාවට අදාල කාඩ් ප්‍රමාණය පැක් එකේ උඩම තියෙන කාඩ් වලින් ඉවත් කර ගන්න කියල. ඒ කිවුවෙ, අපි හිතමු නරඹන්නා හිතා ගත්තෙ අංක 6 කියල. දැන් නරඹන්නාට කරන්න තියෙන්නෙ එයා ලග තියෙන කාඩ් ගොඩේ මුලින්ම තියෙන කාඩ් 6 ඉවත් කරගන්න එකයි.

එහෙම ඉවත් කරල, ඒ ඉවත් කරපු ටික නරඹන්නාට ලග තියා ගන්න කියන්න. ඉතුරැ කාඩ් ටික ඔයා ඉල්ල ගන්න. ඉල්ල ගත්තට ඔයා පැක් එකේ මොනවත් බලන්න එහෙම යන්න එපා. නිකන් මේසය මත ඒ ටික තියන්න.


මෙන්න ප්‍රයෝගය.

ඔන්න දැන් තමා ඔයා අනාවැකිය කොලේ ලියන වෙලාව. දැන් ඉතිං කොලයක් අරන් ඔයා කලින් මතක තියා ගත්තනේ කාඩ් එකක්. අර පැක් එකේ 10 වෙනියට තිබුන කාඩ් එක. අන්න ඒ කාඩ් එක මොකක්ද කියල ලියන්න. මගේ උදාහරනෙ හැටියට නම්  3 of clubs කාඩ් එක තමා 10 වෙනියට තිබුනෙ. මේක නරඹන්නාට පේන්න ලියන්න එපා. එතකොට කිසි ගතියක් නෑනේ. නරඹන්නාට නොපෙනෙන්න ලියන්න. ලියල ඉවර වෙලා ඒ කොල කෑල්ල හොදින් නමලා මේසය මත තියන්න.

දැන් ඔයා නරඹන්නාගෙන් ඉල්ල ගෙන මේසය මත තියපු කාඩ් ටික ගන්න. අරන් මේසය මත, දකුණු පැත්තේ සිට වම් පැත්තට කාඩ් 10ක් දාන්න. හොදින් මතක තියා ගන්න. දකුණු පැත්තේ ඉදලා වම් පැත්තටයි දාන්නෙ. ඔන්න පැත්ත මාරැ කර ගන්නව එහෙම නෙමෙයි. පැත්ත මාරැවුනා කියල ප්‍රයෝගය කරන්න බැරි කමක් නම් නෑ. මම මෙතනදි කියල දෙන්නෙ දකුණු පැත්තේ සිට වම් පැත්තට කාඩ් දාල කරන හැටි. ඒ නිසා ඒ විදිහට කරන්න.

මෙහෙම දැම්මට පස්සෙ ඔයා අතෙත් කාඩ් එකක් හෝ කීපයක් ඉතිරි වෙයි. ඒ ඉතිරිවෙන ඒවා පැත්තකින් තියන්න. දැන් ඔයා නරඹන්නාගෙන් අහන්න, මුලින්ම එයාට 1ත් 10ත් අතර ඉලක්කමක් හිතා ගන්න කිවුවනේ. හිතා ගෙන ඊට අදාලව කාඩ් ප්‍රමාණයකුත් ගන්න කිවුවනේ. ඉතිං අන්න ඒ වෙලාවෙදි නරඹන්නා හිතාගත්ත ඉලක්කම මොකක්ද කියල අහන්න. නරඹන්නා ඒ ඉලක්කම මොකක්ද කියල කිවුවාම ඔයා මේසය මත අතුරපු කාඩ් 10, වම් පැත්තෙ ඉදල දකුණු පැත්තට ඒ සංඛ්‍යාව ගනන් කරන්න. පැත්ත මාරැ කර ගන්න එපා. වම් පැත්තෙ ඉදල දකුණු පැත්තටයි ගනන් කරන්න ඕනේ.

ඉතිං අපේ උදාහරනෙ හැටියට නරඹන්නා හිතා ගත්තෙ අංක 6 නේ. ඉතිං මේසය මත තියෙන කාඩ් පේලියේ වම් පැත්තෙ ඉදල දකුණු පැත්තට මම කාඩ් 6ක් ගනන් කරනවා. ගනන් කරල ඒ කාඩ් 6 ඉවත් කරනවා. ඉවත් කරලා ඊලගට තියෙන කාඩ් එක මොකක්ද කියල, කාඩ් එක face up කරල (මුහුණත උඩට හරවලා) නරඹන්නාට පෙන්වනවා. ඒ කියන්නෙ 7 වෙනියට තියෙන කාඩ් එක. දැන් ඔයා කොලයක කලින් ලිවුවා නේද ඔයාගේ අනාවැකිය. අන්න ඒ කොලෙත් දිග ඇරලා බලන්න කියල නරඹන්නාට කියන්න.

ඔයා වැඩේ හරියට කලා නම් ඉතිං ඔයාගේ අනාවැකිය හරියටම හරි. ඒ කියන්නෙ අපේ උදාහරනෙ හැටියට නම්, මම කොලේ ලිවුවෙ 3 of clubs කියලනේ. ඒවගේම 7 වෙනියට තියෙන්නෙත් 3 of clubs කාඩ් එක. ඉතිං ඔයාගේ අනාවැකිය කිරි ගහට ඇන්න වගේ හරියටම හරියනවා .

මේක නිකම්ම පෙන්නනවට වඩා තවත් කරන්න වැඩ එහෙම තියෙනවා. ඔයාල සමහර විට දැකල ඇති කොලයක යමක් ලියල ඒ කොලේ පුච්චලා, ඒකෙන් ලැබෙන අලු බාහුවක ගා ගන්නවා. එහෙම අලු ගාන කොට ඒ කොලේ ලියල තිබුන එක බාහුවෙ අලු ගාන තැනින් මතුවෙනවා. දැකල තියෙනවද ඔයාල ? අන්න ඒ වැඩේ මෙතෙන්දිත් කරන්න පුලුවන්. ඒක කරන්නෙ කෙ‍හොමද කි‍යල මම පස්සෙ දවසක කියල දෙන්නම්කො.

 යෝජනා, චෝදනා, අදහස්, උදහස් ඔය පහලින් සටහන් කරල යන්න.
කැමතිනම් මේ Post එකේ උඩම තියෙන Like බොත්තම ඔබල Facebook Comment එකකුත් එතනින්ම දාන්න.♠♦♥♣

12 comments:

Anonymous said...

ඒ ඔයා නම් මාරයි. අනේ අර අළු ගාන එක ටග් ගාලා කියලා දෙන්නකෝ.. ලොකු දෙයක්. අර අයිඩින්ටි කාඩ් කරකවන්නෙ කොහොමද කියලත් පස්සෙ දවසක කියනවද..දිගටම ලියන්න මම නන් ඉතින් මොනවා උනත් කියවනවා.

Anonymous said...

cooooooooolllllllll

Anonymous said...

අනිත් එකත් ලගදිම කියල දෙන්න.. හොද බ්ලොග් සටහනක්

♠♦ මැජික් | Magic ♥♣ said...

@ subashblog
ස්තුතියි යාලුවා කමෙන්ට් එකට. අලු ගාන එකත් ලගදිම කියල දෙන්නම්කො.

@ Anonymous 1
thanx for your comment. keep in touch with us.

@ Anonymous 2
ස්තුතියි කමෙන්ට් කලාට. ලගදිම අනෙක් එකත් දාන්නම් කො.

Anonymous said...

please put a video tutorial about this.i can not read this Sinhalese text clearly.if u can please put tutorial or link that talks about levitation

♠♦ මැජික් | Magic ♥♣ said...

@ Anonymous

thanx for ur comment.

i will put a video tutorial about this in future. and video tutorial about levitation is available now. visit this.

http://magics4me.blogspot.com/2011/01/card-leviation-trick-magic-video.html

knightrider said...

මරු කොල්ලෝ දිගටම ලියන්න.

♠♦ මැජික් | Magic ♥♣ said...

@ knightrider
ස්තුතියි යාලුවා...

Anonymous said...

maru maru mata nam card ewa hariyanne wana eawa laiyannako...

♠♦ මැජික් | Magic ♥♣ said...

@ Anonymous
වෙන ඒවත් දාල තියෙන්නෙ. කාසි වලින් කරන මැජික් එහෙම. බලන්න.

http://magics4me.blogspot.com/search/label/කාසි වලින් මැජික්

http://magics4me.blogspot.com/search/label/මැජික් වීඩියෝ

ලපයා said...

niyamai.....

♠♦ මැජික් | Magic ♥♣ said...

ස්තුතියි ලපයො

Post a Comment